Tervetuloa Suomeen
Je futur në këto faqe, sepse po mendon të transferohesh në Finlandë ose tashmë je transferuar në Finlandë.
Në Infopanki do të gjesh njohuri të përgjithshme për shoqërinë dhe kulturën finlandeze (Tervetuloa Suomeen), njohuri mbi lejet që duhen për të marrë banesë (Lupa-asiat), se si të gjesh banesë(Asuminen), njohuri mbi mësimin e gjuhës finlandeze (suomen kieli), njohuri mbi punën dhe aktivitetin sipërmarrës (työ), njohuri mbi shkollimin (koulutus), kujdesin shëndetësor(terveys), shërbimet sociale(sosiaalipalvelut), njohuri mbi ndihmën në rast krizash (kriisitilanteet), mbi shërbimet lidhur me kulturën dhe me kohën e lirë (kulttuuri ja vapaa-aika) dhe mbi aktivitetin e shoqatave(yhdistykset) në Finlandë, si dhe lidhje për në faqet ku gjenden informacione të tilla.
Miresevjen!
Mirësevini në Finlandë gjeni informacione të nevojshme ju në se shpërnguleni në Finlandë. Gjithashtu këtu do të gjeni informacione të përgjithshme mbi Finlandën, mbi shoqërinë finlandeze, mbi historinë, mbi politikën, mbi biznesin, mbi fenë, mbi zakonet finlandeze dhe mbi autoritete zyrtare më të rëndësishme.
Për çfarë informacionesh keni nevojë?
A ke ardhur në Finlandë për të studiuar?
A po vjen në Finlandë për të punuar?
A po shpërngulesh nga një shtet tjetër i BE-së?
A keni ardhur ne Finlande si refugjat apo azilkerkues?
Kur të shpërnguleni në Finlandë, para se gjithash do të keni nevojë për sa më poshtë
-
Leja e qëndrimit. Nëse mendoni të punoni në Finlandë ju duhet të keni gjithashtu edhe leje pune. Informacion të mëtejshem mund të gjeni në faqet e Infopankkit Mbi Lejeqëndrimet.
-
Banesa. Informacion të mëtejshëm mund të gjeni në faqet e Banimit.
-
Numri personal nga
zyra e gjendjes civile. Njoftoni komunën tuaj të banimit në zyrën e gjendjes civile. Atje ju regjistrojnë si banues në Finlandë. Në të njëjtën kohë ju merrni atje edhe numrin personal. Me vete duhet të keni pasaportën dhe lejen e qëndrimit. Nëse jeni i martuar, ju nevojitet edhe çertifikata e martesës. Nëse keni fëmijë ju nevojitet çertifikata e tyre e lindjes.
-
Karta e taksave nga
zyra e tatimeve. Kur aplikoni për kartën e taksave ju keni nevojë për numrin personal apo për numrin personal të përkohshëm nga zyra e gjendjes civile. Nga faqet e Infopankki Tatimi mund të gjeni informacion të mëtejshëm lidhur me funksionimin e tatimit në Finlandë.
-
Llogaria bankare. Zakonisht rroga paguhet gjithmonë në bankë. Njihuni me shërbimet e bankave të ndryshme. Ka mënyra të ndryshme për të paguar faturat (automate bankare, internet, telefon, etj). Kur hapni një llogari bankare, ju duhet të keni me vete pasaportën ose ndonjë dokument tjetër zyrtar identifikimi. Gjithashtu edhe pasaporta për të huaj pranohet në ditët e sotme si dokument identifikimi.
-
Numri i telefonitsa më shpejt të jetë e mundur. Në Finlandë telefoni është mjet komunikimi shumë i rëndësishëm. Njihuni me shërbimet që ofrojne kompanite e ndryshme telefonike. Në tarifat telefonike mund të ekzistojnë diferenca të mëdha.
- Mundësi për të studjuar finlandisht apo suedisht. Finlanda ka dy gjuhë zyrtare, finlandishten dhe suedishten. Informacion të mëtejshëm mund të gjeni tek faqet Gjuha finlandeze e Infopankit.
-
Patenta, që vlen në Finlandë. Patentat që janë marrë në vende të tjera ndjekin të tjera rregullore. Zakonisht, patenta e huaj duhet të ndryshohet në atë finlandeze pas një viti qëndrimi në Finlandë. Informacion të mëtejshëm mbi patentat mund të gjeni në faqet e Policisë. Informacion lidhur me shërbimet e tjera që ofron policia në Finlandë mund të gjeni në faqet Policia të Infopankit.
- Informacion mbi mjetet e transportit. Informacion të mëtejshëm gjeni nga faqja Transporti e Infopankit.
- Informacion lidhur me vendndodhjen e qendrës shëndetësore më të afërt. Qendra shëndetësore është vendi i parë me të cilin ju duhet të kontaktoni nëse sëmureni. Informacion të mëtejshëm mund të gjeni tek faqet Shëndeti të Infopankit.
-
Kontakt me vendin amtar. Pulla poste mund të blihen në Finlandë në postë, në kioska, apo në disa dyqane. Karta telefoni mund të blihen përveç të tjerash edhe nga kioskat. Telegram dhe faks mund të dërgoni nga zyra e postës kundrejt një pagese. Në biblotekat kombëtare mundësohet përdorimi i internetit me anë të një karte bibloteke falas. Gjithashtu, në shumë kafene mund të përdoret interneti.
- Nëse dëshironi të kontaktoni ndonjë të afërmin tuaj që ka humbur, mund të pyesni për më shumë nga e Kryqit të Kuq Finlandez. Rjeti i Kryqit të Kuq dhe i Gjysmëhënës së Kuqe mbledh dhe përcjell mesazhe dhe informacione midis njerëzve në mbi 170 shtete.
- Shumë persona duan të kenë informacion lidhur me vendin e ushtrimit të fesë personale. Informacion të mëtejshëm mund të gjeni në faqet e Fetë në Finlandë.
- Nuk është e lehtë të shpërngulesh në një vend të ri, ku gjithcka është e ndryshme. Mësimi i gjuhës është hap i rëndësishëm drejt shkollimit. Në Finlandë ka shumë mundësi për të studiuar. Njohuria e gjuhës dhe diploma profesionale ndihmojnë për të gjetur punë.
Në faqet internetore Expat Finland ka informacion në anglisht mbi imigrimin në Finlandë.
Në Finlandë mbështetet integrimi
Në Finlandë është në fuqi ligji i integrimit (kotouttamislaki). Sipas këtij ligji, i shpërnguluri ka të drejtë për planin personal të integrimit. Ky plan vlen për tre vitet e para pas ardhjes në Finlandë. Qëllimi i planit për integrim është të ndihmojë njerëzit e ndryshëm të adaptohen në Finlandë. Në plan mund të përfshihen për shembull kurse të mësimit të gjuhës finlandeze.
Plani i integrimit kryhet me këshilltarin për punësim në zyrën e punës ose me punonjësin social në zyrën sociale. Në faqet e Ministrisë së Brendshme ka informacion mbi ligjet e integrimit si dhe lidhje në internet. Informacion të mëtejshëm mbi këtë çështje mund të gjeni në faqet Opintoluotsi.
Në faqet e Ministrisë së Punës dhe Tregtisë gjeni udhëzime për kryerjen e planit të integrimit në gjuhët e mëposhtme:
finlandisht
anglisht
frëngjisht
rusisht
serbokroatisht
somalisht
gjuha farsi
kurdisht
arabisht
Informacione shtesë mbi shpërnguljen në Finlandë
Në faqet e Ministrisë së Brendshme ndodhet guida Shtëpia në Finlandë, e cila përfshin informacione mbi jetesën, shkollimin dhe sigurimin social të të shpërngulurve në gjuhët e mëposhtme:
shqip
finlandisht
suedisht
anglisht
frëngjisht
rusisht
serbokroatisht
somalisht
gjuha farsi
kurdisht
arabisht
vietnamisht
gjuha dari
estonisht
gjuhë e qartë (finlandisht)