Turvaa työttömyysaikana

Badbaadada shaqa la’aanta waxaa heli kara qofka ah

• 18-64 sano
• shaqa la’aan ah ee xafiiska shaqada iska soo qoray inuu shaqo radis yahay
• shaqo maalintii oo dhan raadinaya
• mid awood inuu shaqeeyo, diyaarna u ah inuu shaeeyo
• mid aan loo hayn shaqo ama waxbarasho

Haddii aad shaqa la’aan noqoto, waa inaad xafiiska shaqada iska soo xaadirisaa ugu dambayn maalinta ugu horaysa shaqa la’aantaada. Sidoo kale waa inaad xafiiska shaqada iska soo xaadirisaa markay waxbarasho ama shaqada taageerada shaqaalayntu kuu dhammaadaan. Waana inaad hore u soo qaadataa dhammaan shahaadooyinkaaga waxbarasho iyo kuwa shaqada. Haddii shahaadooyinka qaar kaa maqan yihiin, gadaal ayaad ka keeni kartaa. Xasuuso, inaad mar walba soo qaadato baasaboorkaaga oo uu ka muuqdo sharcigaaga jooogidda waddanka. Wixii talo ah weydii shaqaalaha xafiiska shaqada. Shaqaalaha xafiisku wuxuu kaala sheekaysanayaa xaaladaada, sidaas ayuuna ku ogaanayaa nooca badbaadada shaqa la’aanta ee xaq u yeelan karto. Wuxuu fiirinayaa shahaadooyinkaaga iyo caddaymahaaga kale. Waxaa kaloo lagu siinayaa wararka ah waxa ay tahay inaad samayso.

Markaad xafiiska shaqada tagtid ka dib, xafiiska Kelada waxaad u dirtaa codsigaaga aad lacag maalmeedka ku dalbanayso. Haddii aad qasnadda shaqa la’aanta ka tirsan tahay codsiga iyaga u dir. Wixii warqado ah ee lagaaga baahan yahay ku lifaaq codsigaaga.

Haddii adigoo shaqa la’aan ah aad rabto inaad safar aado ama waxbarasho aado, xafiiska shaqada u sheeg. halkaas ayaa lagaaga sheegayaa siday waxyaabahaasi u saamayn karaan lacagtaada shaqa la’aanta. Markaad shaqa la’aanta tahay waxaad 12 bilooodba xaq u leedahay fasax ah lix maalmood ah kuwa shaqada. Haddii fasaxaagu lix maalmood oo kuwa shaqada ah ka bato, maalmaha dheeraadka ah laguma siiinayo lacagta shaqa la’aanta. Markaad fasax aadaysana waa inaad xafiiska shaqada hore ugu sii sheegtaa.

Warar sugan oo ku saabsan badbaadada shaqa la’aanta waxaad ka heleysaa internetka www.mol.fi.