Yhdistyksen perustaminen

“ Sida ugu fiican ee fikrad fiican lagu helaa waa in fikrado badan la helo. ”
(Maahmaah giriig ah)

Finland waa waddan madaxbannaan. Finland waxaa ka jirta madaxbannaani is urursasho iyo madaxbannaani isu imaansho. Dadka Finland deggan oo dhan waxay xaq u leeyihiin inay isu yimaadaan oo ay urur samaysan karaan.

Urur in la samaystaa way fududahay Finland. Saddex qof baa samaysan kara urur, laakiin waxaa fiican in dad badan is urursadaan.

Urur aasaasiddu sida caadiga ah waa saddex heer: aasaasid, dejinta sharciyada ururka iyo rdiwaangelin.

Sidee loo aasaasaa urur?

Aasaasiddu waxaa loo samayn karaa laba siyood:

• Waxaa la sameeyaa heshiis qaab bannaan ah (vapaamuotoinen) oo ku saabsan aasaasidda, waxaana la yiraahdaa buugga aasaasidda (perustamiskirja).
• Waxaa la qabtaa shirkii ururka lagu aasaasayey.

Faahfaahin dheeraad ah waxaad ka heleysaa wasaaradda shaqada iyo xoogsashada tilmaanbixiyeheeda Waxqabadka Urur qaybta ”Urur aasaasaya = Yhdistystä perustamassa”.

Warar ku saabsan aasaasidda urur waxaad sidoo kale ka heleysaa boggaga Diwaanka ururada.

Waxa ugu muhiimsan waa in la qeexo ururka fikradiisa iyo hadafyadiisa. Ururka hadafyadiisu waxay noqonayaan waxay ku xiran tahay waxyaabaha ay dadka ururka xubnaha ka ah xiisaynayaan. Ururku wuxuu noqon karaa tusaale ahaan naadi isboorti, urur dhaqanka ah, naadi saaxiibtinimo, naadi diimeed iwm. Hadafyada ururku waxay noqon karaan tusaale ahaan in bannaanka laga soo ururiyo warar oo loo qaybiyo xubnaha ururka, waxqabad dhaqanka ah iyo wada joogid, waxqabad hiwaayad ah, in dadka waddanka u soo guurey laga caawiyo la qabshada, in dembiyada la dhimo, in cunsurinimada lala dagaalamo, horumarinta shaqada iyo waxbarashada, nolol wanaaga oo la kordhiyo, in shaqaalaha dowladda loo soo bandhigo fikrado iyo waxyaabo la soo jeedinayo, in mashruuc la fuliyo iwm.

Faahfaahin dheeraad ah waxaad ka heleysaa wasaaradda shaqada tilmaanbixiyeheeda Waxqabad Urur (2002) qaybtiisa ”Ujeedada iyo qaababka waxqabad = Tarkoitus ja toimintamuodot”.

Ururka Isutagga Shaqada Ilbaxnimada shacabka (Kansan Sivistystyön Liitto KSL ry) qoraalka uu soo saaray ee Furayaasha waxqabadka urur waxaa si gaar ah loogu talagalay dadka waddanka u soo guurey.