Tietoa palvelusta
زانیاری سهبارهت به خزمهتگوزاریهکه
خزمهتگوزاری تۆڕی بانکی زانیاری پشتیوانی له جێگیربوونی کۆچبهران دهکات لهرێگهی پێشکهش کردنی زانیاریهوه سهبارهت به کۆمهلگای فنلاندا و خزمهتگوزاریهکانی به 15 زمانی جۆراوجۆر له گۆشهنیگای ئهو کۆچبهرانهوه که سهردانی ماڵپهڕهکه دهکهن. بانکی زانیاری کۆمهڵێك زانیاری بنهڕهتی پێکهوه کۆکردوهتهوه بۆ نموونه سهبارهت به بابهتهکان مۆڵهت، خوێندن و کارکردن، خزمهتگوزاریهکانی جێنشێنی وکاروباری کۆمهڵایهتی، کۆمهڵگا، کهلتوور و کاتی ئازاد.
له تۆڕی خزمهتگوزاریهکهدا سێ گروپی سهرهکی جێگای مهبهسته:
- ئهو کۆچبهرانهی که له فنلاندا دهژین
- کاربهدهستانی فنلاندی
- ئه بێگانانهی که نهخشهیان بهدهستهوهیه بۆ فنلاندا کۆچبکهن
بانگی زانیاری له ههموو شوێنهکانی فنلاندا خزمهتگوزاری به کۆچبهران ، وه بهتایبهتی بهو کۆچبهرانهی نیشتهجێی شارهکانی ئهندام لهم تۆڕهدان پێشکهش دهکات. لهم ماڵپهڕدا زانیاری محهللی تێدایه سهبارهت به ناوچهی هلسینکی (هلسینکی، ئێسپۆ، ڤانتا و کاونیانین)، تورکو، تامپێری، ساڤۆی باشووری Etelä-Savo (میککێلی Mikkeli ، ساڤۆنلیننا Savonlinna و پیێکسەمەکی Pieksämäki ) کوهپیۆ، رۆڤانیهمی و پارێزگای کاینو. بۆ ئهم خزمهتگوزاریه بهردهوام ناوچهی تریش وهك ئهندامی تازه وهردهگیرێت.
زمانهکانی بانکی زانیاری بریتین له فنلاندی، سویدی، ئینگلیزی، ئیستۆنی، فهرهنسی، ڕووسی، سۆماڵی، سێربۆکراواتی، تورکی، عهرهبی، فارسی، چینی، ئیسپانی، ئهلبانی و کوردی (سۆرانی). ههموو زمانهکان لێکدراون بهرامبهر یهکتر، که له ماڵپهڕهکهدا چوونیهك له ههر شوێنێكی بابهتهکانهوه بێت دهتوانرێ ڕاستهوخۆ لهسهر ههمان بابهت بچیته سهر زمانی جێگای مهبهست.
بناغهی بانکی زانیاری لهسهر بنهمای کاروباری تۆڕبهستن، هاوکاری و ئاڵوگوڕی زانیاری له نیوان کاربهدهستان، کهرتی سێههم، کۆچبهران و باقی ئهوانهی که لهکاروبارهکانیاندا هاوکارن، داڕێژراوه. سهبارهت به زانیاریه گشتیهکانی خزمهتگوزاری ئهم تۆڕه دهستهی نووسهرانی بانکی زانیاری هلسینکی لێی بهرپرسیاره، که له زانیاریهکانی خزمهتگوزاری لقی ناوچهی هلسینکی بهرپرسیاریشه. شەش کارمەند لە نووسینگەی رێداکسیۆن کار دەکەن. بۆ ههر یهکه له زانیاریه ناوچهیییهکان دهستهی نووسهرانی شاری تایبهت به ناوچهکه لێی بهرپرسیاره.
خزمهتگوزاری بانکی زانیاری له ماوهی 2009-2011 نوێ دهکرێتهوه
لهماوهی ساڵهکانی 2009-2011 خزمهتگوزاری تۆڕهکه له بواری ناوهڕۆك، داڕشتن وتکنیکیدا بهبهردهوامی و رێك وپێك نوێ دهکریتهوه. به گوێرهی ئهم نوێکاریانه بانکی زانیاری ههرچی باشتر خزمهتگوزاری پێشکهشی گروپی جۆراوجۆری کۆچبهران دهکات. لهو نوێکاریانهدا ههموو ئهو کهسانهش که وهك کۆچبهر به شوێن کاردا هاتوون، خوێندکاران و پهنابهران و پێوێستیه جوراجۆرهکانیان بۆ زانیاری بهدهست هێنان لهبهرچاو دهگیرێن. بۆ پشتیوانی و یارمهتی لهم نوێکاریانه له کۆچبهران لیژنهیهکی بهکارهێنهرانی 15 کهسی پێکهێنراوه. لهم نوێکاریانهدا کاکڵهی ئهو بابهتانهی که لهبهرچاو گیراون بابهتی بهرابهری و یهکسانییه. خزمەتگوزاری ماڵپەری نوێ لە ساڵی ٢٠١٢ دا دەست پێ دەکا.
مهلبهندی فرهکهلتووری خزمهتگوازاری زانیاری بهناوی سێلما (Selma) که بۆ کارمهندانی فرهکهلتووری و کۆچبهران له ناوچهی هلسینکیدا دارێژراوه له ساڵی 2009دا وهك بهشێك پهیوهست به بانکی زانیاریهوه بووه. بهڕێوهبردن و گهشهکردنی ماڵپهڕی کارمهندان له بانکی زانیاریدا درێژهی دهبێ.
خزمهتگوزاری زانیاری کۆرسی زمانی فنلاندی له بەهاری ٢٠١١ دا وهك بهشێك له بانکی زانیاریدا دهکرێتهوه، که ئیتر زانیاری سهبارهت به کۆرسهکان به زمانهکانی فنلاندی، ئینگلیزی و رووسی له جاران شکل وشێوهی باشتر و وردتر دهبێت. تا کاتی نوێکاریهکان زانیاری سهبارهت به کۆرسهکانی زمانی فنلاندی له ناونیشانی ئینتهرنێتی ماڵپهڕی سێلما- نێت.فی بهدهست دێت. ئاگاداری بڵاوکردنهوه سهبارهت به کۆرسهکان له پرۆژهی (NEO-Selma –ESR) نوێدهکرێتهوه.
له نوێکاری خزمهتگوزاری تۆڕی بانکی زانیاریدا بۆ ناوهرۆكی ئهو بابهتانهی ڕوو بهو کۆچبهرانهن که بۆ کارکردن هاتوون، کهڵك له پڕۆژهی بنکهی کیمیاوی ئهورۆپایی (ECHA) له شاری هلسینکیدا (2007-2009) وهردهگیرێ.
ڕیکخستن و خهرجکردن بۆ خزمهتگوزاریهکه
دهرفهتی گهشهپێدان و نوێکردنهوهی بانگی زانیاری لهڕێگای گرێبهستی پێنج ساڵهی (2009-2013) هاوکاری نێوانی دهوڵهت و شارهوانیهکان جێ بهجێ دهبێت. لایهنهکانی هاوکار وبهشداری دهوڵهت له دانی سهرچاوهی داراییدا وهزارهتی ناوخۆیه، وهزارهتی کاروبژێوی، وهزارهتی پهروهرده و دائیرهی خانهنشینی هاووڵاتیانه. ههروهها ئهم پرۆژهیه بۆ بهدهستهێنانی سهرچاوهی دارایی بۆ گهشهپێدانی خزمهتگوزاریهکه، یارمهتی دهوڵهت له رێگای وهزارهتی داراییهوه داوا دهکات. سهبارهت به بهشی شارهوانیهکان ئهوا شاروانیه ئهندامهکان لێی بهرپرسیارن. چالاکی و بهڕێوهبردنی کارهکانی بانکی زانیاری لهلایهن گروپێکی ڕاوێژهوه بهڕێوه دهبرێ، که تێیدا لایهنهکانی سهرچاوه داراییهکان تێیدا نوێنهرایهتی دهکهن. له باری بهڕێوهبهرایهتیهوه، بانکی زانیاری لهژێر سایهی مهڵبهندی کهلتووری هلسینکیدا کار دهکات.
مێژوو
خزمهتگوزارى تۆرى ئينتهرنێتى بانکی زانیاری وەك هاوكارى نێوان مهڵبهندى كهلتوورى نێونهتهوەيى كايسا و كتێپخانهى شارى هلسينكى له نێو پرۆژەی ناوەندى فيركردنى ئاواڵا (سا ڵی 2001-2003) له دایك بوو. له سا ڵی 2005 دا تورکو و تامپێرێ ، وه له ساڵی 2006دا رۆڤانیهمی، کۆپیۆ و ناوجهی کاینو پهیوهس بوون. ماڵپهڕهکانی ئێسپۆ، ڤانتا و کاونیانین وهك بهشێك له ماڵپهڕی ناوچهی هلسینکی له سالێ 2009دا دهستیان بهکار کرد. بەشی بانکی زانیاری ئۆولوو Oulu لە ساڵی ٢٠١٠ کرایەوە. هەرێمی ساڤۆی باشووری oEtelä-Sav لە کۆتایی ساڵی ٢٠١٠ بوو بەئەندامی تۆری بانکی زانیاری.
بۆ کارمەندانی کاروباری پێوەندیدار بە کۆچبەران ناوەندی زانیاری ناوچەیی سێلما Selma لە ساڵی ٢٠٠٣ دا بۆ هەرێمی پایتەخت وەک پرۆژەی شارەوانی دەستی بەکار کردووە.
راپۆرتی کۆتایی پرۆژەی ناوەندی فێرکردنی ئاواڵە لە ساڵی ٢٠٠١ – ٢٠٠٣ (pdf, 602 kb) (بە زمانی فینلاندی)
ئهو خهڵاتانهی پێشکهش کراون
2007
خهڵاتی مۆری پلهبهرزی کومیسیۆنی ئهوروپا بۆ ماڵپهڕه خزمهتگوزاریه گشتیه باشهکان (Good Practice label)
2008
خهڵاتی دهوڵهتی بڵاوکردنهوهی زانیاری، خهڵاتی ساڵانهی ڤیرسو بۆ مهڵبهندی کهلتووری نێونهتهوهیی کایسا و بانکی زانیاری، خهڵاتی هاوکاری دهستهی نووسهرانی ماڵپهری فنلاندا (Suomi.fi)