Terveys Espoossa

ته‌ندروسی له‌ ئێسپۆدا

له‌لاپه‌ڕه‌ی ته‌ندروستی بانکی زانیاری‌دا باسی خزمه‌تگوزاری ته‌ندروستی له‌ فنلاندا ده‌کرێت . 

له‌لاپه‌ڕه‌ی ته‌ندروستی ناوچه‌ی پایته‌ختدا زانیاری سه‌باره‌ت به‌ خزمه‌تگوزاری ته‌ندروستی له‌ ناوچه‌ی پایته‌ختدا به‌ده‌ست دێت . 

ده‌توانرێ هه‌میشه‌ ته‌له‌فون بۆ خزمه‌تگوزاری ڕاوێژی ته‌ندروستی 0910023 بکرێت، کاتێك پێویستیت به‌ زانیاری سه‌باره‌ت به‌ خزمه‌تگوزاری ته‌ندروستی یان رێنوێنی بۆچاره‌سه‌رکردنی نه‌خۆشی هه‌بێت . 

بنکه‌کانی ته‌ندروستی

له‌ بنکه‌کانی ته‌ندروستی‌دا نه‌خۆشه‌کان ده‌توانن بۆ لای دوکتۆر، یارمه‌تیده‌ری دوکتۆر و سسته‌ر بچن . له‌ بنکه‌ی ته‌ندروستییه‌وه‌ له‌کاتی پێویستدا نه‌خۆشه‌کان بۆ شوێنی چاره‌سه‌ری تایبه‌ت ده‌نێردرێن . دانیشتوان ده‌چنه‌ بنکه‌ی ته‌ندروستی شوێنی نیشته‌جێی خۆیان . 

زانیاری په‌یوه‌ندی بنه‌که‌کانی ته‌ندروستی ئێسپۆ به‌ فنلاندی ، سویدی و ئینگلیزی . 

ئێشکگری

ئێواران و رۆژه‌کانی کۆتایی هه‌فته‌ بنکه‌کانی ته‌ندروستی داخراون . له‌و کاتانه‌دا هه‌ر نه‌خۆشیه‌کی کتوپڕ و ڕووداوێك له‌ ئیشکگری نه‌خۆشخانه‌ی یۆرڤی چاره‌سه‌ر ده‌کرێن . زانیاری زیاتر سه‌باره‌ت به‌ ئێشکگری له‌ ماڵپه‌ڕی شاره‌وانی ئێسپۆدا به‌ زمانی فنلاندی ، سویدی و ئینگلیزی به‌ده‌ست دێت . هه‌روه‌ها ئێشکگری نه‌خۆشی منداڵانیش له‌ ئێسپۆ له نه‌خۆشخانه‌ی یۆرڤیه‌ . 

خزمه‌تگوزاری ته‌ندروستی بۆ که‌سێکی بێگانه‌ که‌ به‌ شێوه‌ی کاتی له‌ ئێسپۆدا ده‌ژی

زانیاری سه‌باره‌ت به مه‌سره‌فی‌ چاره‌سه‌ری بێ په‌له‌ له‌ ئێسپۆدا به‌ زمانی فنلاندی و ئینگلیزی . 

سه‌یری لاپه‌ره‌ی کاتێك نه‌خۆش ده‌که‌وی له‌ بانکی زانیاری‌دا بکه‌ . 

کاروباری ته‌ندروستی خێزانی منداڵدار

زانیاری سه‌باره‌ت به‌ خزمه‌تگوزاریه‌کانی ڕوێژگای شاره‌وانی ئێسپۆ به‌ فنلاندی ، سویدی و ئێنگلیزی . 

کاتێك منداڵ نه‌خۆش ده‌که‌وێت

کاتێك منداڵ نه‌خۆش ده‌که‌وێت، له‌ کاتی پێویستدا په‌یوه‌ندی به‌ بزیکترین بنکه‌ی ته‌ندروستیه‌وه‌ بکه‌، یان ته‌له‌فون بکه‌ بۆ ژماره‌ی 0910023 واته‌ بۆ ڕاێژی ته‌ندروستی، که‌ 24 کاتژمیره‌که‌ی شه‌و ورۆژ وه‌ڵام ده‌ده‌نه‌وه‌ . له‌و کاتانه‌دا که‌ چیتر کاتی کارکردنی فه‌رمی نه‌ماوه‌ ده‌توانیت ته‌له‌فون بۆ ئێشکگری نه‌خۆشخانه‌ی یۆرڤی بکه‌یت بو ژماره‌ی 0947183300. ئه‌م خزمه‌تگوزاریه‌ به‌ زمانه‌کانی فنلاندی، سویدی و به‌گشتی ئینگلیزیش پێشکه‌ش ده‌کرێت . 

خزمه‌تگوزاری ته‌ندروستی له‌ فێرگه‌دا

له‌ ماڵپه‌ڕی شاره‌وانی ئێسپۆدا زانیاری سه‌باره‌ت به‌ خزمه‌تگوزاری ته‌ندروستی بۆ منداڵانی فێرگه‌ وخوێندکاران له‌ ئێسپۆدا به‌ زمانی فنلاندی و سویدی به‌ده‌ست دێت . 

دووگیانی

له‌ ماڵپه‌ڕی شاره‌وانی ئێسپۆدا زانیاری سه‌باره‌ت به‌ هات وچۆ بۆ ڕاوێژگا، قۆناغه‌کانی دووگیانی، ئاماده‌کاری خێزان بۆ منداڵ بوون و منداڵ بوون به‌ زمانی فنلاندی ، سویدی و ئینگلیزی به‌ده‌ست دێت .

ده‌توانێت سه‌باره‌ت به‌ خزمه‌تگوزاریه‌کانی ڕاوێژگا پرسیار له‌ بنکه‌ی ته‌ندروستیه‌که‌ی خۆت بکه‌یت . 

کێشه‌کانی ته‌ندروستی ده‌روونی

له‌ لاپه‌ڕه‌ی ب اره‌کانی قه‌یرانی ( Kriisitilanteet ) بانکیزانیارییناوچه‌یپایته‌ختزانیاریسه‌باره‌تبه‌خزمه‌تگوزاریه‌کانیکێشه‌ده‌روونیه‌کانله‌ناوچه‌یپایته‌ختدابه‌ده‌ستدێت. 

که‌سێك که‌ ناڕه‌حه‌تی به‌ده‌ست کێشه‌ی ته‌ندروستی ده‌روونیه‌وه‌ هه‌یه‌ ده‌توانێ په‌نا بۆ بنکه‌ی ته‌ندروستی خۆی ببات . بنکه‌کانی ته‌ندروستی ئێسپۆ به‌ زمانی فنلاندی ، سویدی و ئینگلیزی . 

زانیاری زیاتر سه‌باره‌ت به‌ خزمه‌تگوزاریه‌کانی ته‌ندروستی ده‌روونی له‌ ئێسپۆدا و لینکیش بۆ خزمه‌تگوزاریه‌کانی ته‌ندروستی ده‌روونی گه‌ڕه‌که‌ جۆراوجۆره‌کانی ئێسپۆ به‌ زمانی فنلاندی و سویدی . زانیاری سه‌باره‌ت به‌ ته‌ندروستی ده‌روونی به‌ ئینگلیزی  . 

چاره‌سه‌ری ته‌ندروستی ده‌روونناس

بۆ ئه‌نجامدانی چاره‌سه‌ری تایبه‌تی له‌لایه‌ن ده‌روونناسه‌وه‌ پیویست به‌ ناردنی داوانامه‌ له‌لایه‌ن دوکتۆری بنکه‌ی ته‌ندروستی یان یان دوکتۆری به‌شی تایبه‌تی ده‌کات . له‌ ئێسپۆدا چاره‌سه‌ری ته‌ندروستی ده‌روونی له‌لایه‌ن ده‌روونناسه‌وه‌ له‌ نه‌خۆشخانه‌ی یۆرڤیه‌وه‌ و چاره‌سه‌ری ئازادیش له‌لایه‌ن پۆلیکلینیکی ناوچه‌یی یۆرڤیه‌وه‌ ده‌کرێت . پۆلیکلینیکی چاره‌سه‌ری ده‌روونی نه‌خۆشخانه‌ی یۆرڤی ده‌توانێ باری نه‌خۆشه‌که‌ و پێویستی چاره‌سه‌ری بۆ هه‌لسه‌نگێنێ که‌ له‌ رۆژانی کاریدا کراوه‌یه‌ له‌ کاتژمێر 8-16 ، ژماره‌ی ته‌له‌فون : 098613040 

خزمه‌تگوزاریه‌کانی ته‌ندروستی ده‌روونی بۆ منداڵان و خێزانی منداڵدار

ڕاوێژگاکانی خێزان خزمه‌تگوزاری بۆ منداڵانی ته‌مه‌ن خوار 13 ساڵ و خێزانی منداڵدار پێشکه‌ش ده‌که‌ن، ئه‌وانه‌ی که‌ له‌ کاروباری رۆژانه‌یاندا ناکۆکی و گیروگرفت هه‌یه‌ . بۆ خۆت ده‌توانیت په‌یوه‌ندی به‌ ڕاوێژگای خێزانه‌وه‌ بکه‌یت به‌بێ ئه‌وه‌ی داوانامه‌ی دوکتۆری پێویست بێت . زانیاریه‌کانی په‌یوه‌ندی به‌ ڕاوێژگاکانی خێزانه‌وه‌ به‌ زمانی فنلاندی و سویدی .

له‌ یه‌که‌ی کاروباری خێزانه‌وه‌ ده‌توانرێ بۆ کاتی کێشه‌ی جیابوونه‌وه‌ی ژن ومێردا ڕاوێژ و یارمه‌تی به‌ده‌ست بێت . زانیاری زیاتر و زانیاری په‌یوه‌ندی گرتن به‌ زمانی فنلاندی  . 

کێشه‌کانی په‌یوه‌ندی هاوسه‌رێتی

ژن ومێرد ده‌توانن بۆ نموونه‌ له‌ یه‌کیتی دانیشتوانه‌وه ‌ ( Väestöliitto ) وهه‌روه‌ها له‌ ڕێکخراوی تر و چاره‌سه‌رگای تایبه‌تیه‌وه داوای یارمه‌تی و ڕاوێژ بکه‌ن . 

تیراپیای ده‌روونی

تێراپیای ده‌روونی درێژماوه‌ له‌لایه‌ن خزمه‌تگوزاری ته‌ندروستی سه‌ره‌کیه‌وه‌ نادرێ . زانیاری زیاتر بۆ داواکردنی تێراپیای ده‌روونی له‌ کێڵا وه‌ ( Kela ) به‌ده‌ست دێت . 

خزمه‌تگوزاری ته‌ندروستی ده‌م ودان

کاتگرتن بۆ چاره‌سه‌ری ته‌ندروستی ده‌م ودان له‌ رێگه‌ی ژماره‌ ته‌له‌فونی کاتگرتنه‌وه‌ ده‌گیرێ ، ژماره‌ی ته‌له‌فون : (09) 8163 0300 ( کاتژمێر 7:45-15 ) . بۆ کاتی زۆر به‌ په‌له‌ یارمه‌تی سه‌ره‌تایی بۆ گه‌وره‌ ساڵان له‌ بنکه‌ی کاروباری کۆمه‌ڵایه‌تی وته‌ندروستی و بۆ منداڵان ولاوان له‌ بنکه‌ی ته‌ندروستی ده‌م ودانی شوێنی ژیانی خۆیانه‌وه‌ پێشکه‌ش ده‌کرێت . له‌ رۆژه‌کانی کۆتایی هه‌فته و بۆنه‌کان‌ ئێشکگری بۆ هه‌موو دانیشتوانی ئێسپۆ له‌ بنکه‌ی ته‌ندروستی ده‌م ودانی پوه‌له‌رمێتسایه ( Puolarmetsän hammashoitola ) ‌ . 

له‌ ماڵپه‌ڕی شاره‌وانی ئێسپۆدا زانیاری زیاتر سه‌باره‌ت به په‌یوه‌ندی گرتن به‌ بنکه‌ی‌ چاره‌سه‌ری ته‌ندروستی ده‌م ودانه‌وه‌ به‌ زمانی فنلاندی سویدی و ئینگلیزی . 

که‌سانێك که‌ له‌ ئێسپۆدا ده‌خوێنن مافی به‌ده‌ستهێنانی خزمه‌تگوزاری ته‌ندروستی ده‌م ودانیان هه‌یه‌ به‌ گشتی له‌ نزیك شوێنی نیشته‌جێبوونیانه‌وه‌ یان له‌و بنکه‌ی ته‌ندروستی ده‌م ودانه‌ی که‌ له‌ خوێندنگاکه‌یانه‌وه نزیکه . 

خزمه‌تگوزاری له‌ په‌یوه‌ند به‌ کیشه‌ی ئه‌لکحول وماکی گێژکه‌ره‌وه‌

ئه‌م خزمه‌تگوزاریه‌ له‌لایه‌ن بنکه‌کانی ته‌ندروستیه‌وه‌، کارگێرانی کاروباری کۆمه‌ڵایه‌تیه‌وه‌، خزمه‌تگوزاری ڕاوێژگاوه‌ و خزمه‌تگوزاری ته‌ندروستی فێرگه‌ و خوێندکاره‌وه‌ پێشکه‌ش ده‌کرێت . سه‌باره‌ت به‌م خزمه‌تگوزاریه‌ سه‌ره‌کیانه‌ داواکار له‌کاتی پێویستدا ڕێنوێنی ده‌کرێت بۆ ئه‌و خزمه‌تگوزاریانه‌ی که‌ تایبه‌تن به‌ چاره‌سه‌ری کێشه‌ی ئه‌لکحول و ماکی گێژکه‌ره‌وه‌ . 

بنکه‌ی خزمه‌تگوزاری ێمپپو( EMPPU ) بۆ دانیشتوانی گوره‌سالی ئێسپۆ که‌ کێشه‌ی په‌شێوی و ده‌رونی و اعتیاد به‌ ماکی گێژکه‌ره‌وه‌ هه‌یه‌ دابین کراوه‌. ێمپپو له‌ ماڵپه‌ڕی شاری ئێسپۆدا به‌ فنلاندی و ئینگلیزیه‌ .

ێمپپو رێنوێنی ئدات له‌ رێگای ته‌له‌فۆن له‌ چاره‌سه‌ری ته‌ندروستی ده‌روونناس و ماکی گێژکه‌ره‌وه‌دا. زانیاریدان به‌ زمانی فنلاندی و  ئینگلیزیه‌ با ژۆماره‌ی 0981631342  یاکو 0503209504 رۆژانی کاری له‌ 9تا 19 و رۆژانی په‌شو له‌ ساعات 12تا 16.

زانیاری سه‌باره‌ت به‌ چاره‌سه‌ری کیشه‌ی ئه‌لکحول و ماکی گێژکه‌ر له‌ ئێسپۆدا به‌ زمانی فنلاندی  . 

بنکه‌کانی ته‌ندروستی ئێسپۆ به‌ زمانی فنلاندی ، سویدی و ئینگلیزی . 

کاروباری کۆمه‌ڵایه‌تی که‌ بۆ گه‌وره‌ساڵان دانراوه‌ له‌ ئێسپۆدا به‌ زمانی فنلاندی و سویدی . 

له‌ لاپه‌ره‌ی باره‌کانی قه‌یرانی بانکی زانیاریدا زانیاری زیاتر سه‌باره‌ت به‌ کێشه‌ی ئه‌لکحول و ماکی گێژکه‌ر به‌ده‌ست دێت . 

بابه‌تی سێکس

له‌ ڕاوێژگای به‌رگری له‌ منداڵ بوونی بنکه‌ی ته‌ندرووستیه‌وه‌ یارمه‌تی سه‌باره‌ت به‌ به‌رگری له‌منداڵ بوون و نه‌خشه‌دانان بۆ خێزان به‌ده‌ست دێت . له‌ مه‌به‌سته‌کانی‌ ڕاوێژگای به‌رگری له‌ مندالبوون هه‌روه‌ها به‌رگرتن له‌ نه‌خۆشی سێکسیشه‌ . زانیاری زیاتر به‌ زمانی فنلاندی و سویدی . 

له‌لاپه‌ڕه‌ی بابه‌تی سێکس له‌ ماڵپه‌ری بانکی زانیاریدا زانیاری زیاتر سه‌باره‌ت به‌ بابه‌ته‌کای سێكس به‌ده‌ست دێت . 

خزمه‌تگوزاریه‌کانی ته‌ندروستی ژنانه ‌

له‌کاتی سه‌رهه‌ڵدانی نه‌خۆشی ژنانه‌دا په‌یوه‌ندی به‌ بنکه‌ی ته‌ندروستیه‌وه‌ بکه‌، که‌ دوکتۆری گشتی نه‌خۆشه‌که‌ ده‌پشکنێت . به‌ڵام له‌ هه‌ر حاڵدا له‌ بنکه‌ی ته‌ندروستی‌دا دوکتوری تایبه‌تی ته‌ندروستی ژنانه‌ کار ناکات . 

بنه‌کانی ته‌ندروستی ئێسپۆ به‌ زمانی فنلاندی ، سویدی و ئینگلیزی . 

نه‌خۆشیه‌ سێکسیه‌کان

له‌کاتی بوونی ناڕه‌حه‌تی له‌ کۆئه‌ندامی سێکسی ژنانه‌ و کۆئه‌ندامی میزکردندا په‌یوه‌ندی به‌ بنکه‌ی ته‌ندروستیه‌وه‌ بگره‌ . هه‌روه‌ها دانیشتوانی ئێسپۆ ده‌توانن به‌بێ ناردنی داوای دوکتۆر بۆ پۆلیکلینیکی نه‌خۆشیه‌ سێکسیه‌کان ( Sukupuolitautien poliklinikka ) له‌ هلسینکی بچن .