Tietoa palvelusta

Informacione mbi shërbimin

Shërbimi në rrjet Infopankki.fi mbështet integrimin e imigrantëve duke ofruar informacione mbi shoqërinë finlandeze dhe shërbimet e saj në 15 gjuhë të huaja, nga këndvështrimi i imigrantit. Infopankki.fi ka grumbulluar informacione bazë të shumë çështjeve, ndër të cilat, mbi çështjet e lejeve, mbi shkollimin dhe punësimin, mbi banimin dhe shërbimet sociale, mbi shoqërinë, kulturën dhe kohën e lirë.

Shërbimi në rrjet ka si objektiv tre grupe të rëndësishëm:

• Imigrantët që banojnë në Finlandë
• Autoritetet zyrtare të migracionit si dhe
• Të huajt që kanë ndërmend të transferohen në Finlandë

Infopankki u shërben imigrantëve anembanë Finlandës, por veçanërisht, imigrantëve që banojnë në qytetet anëtare të shërbimit. Në faqe ka informacione lokale mbi rajonin e Helsinkit (Helsinki, Espoo, Vantaa dhe Kauniainen), Turkut, Tamperes, Savos së Jugut (Mikkeli, Savonlinna dhe Pieksämäki), Kuopios, Rovaniemit si dhe mbi provincën e Kainut. Në të ardhmen pritet që në këtë shërbim të anëtarësohen edhe rajone të tjera.

Gjuhet e Infobankës janë finlandishtja, suedishtja, anglishtja, estonishtja, frëngjishtja, somalishtja, serbo-kroatishtja, turqishtja, arabishtja, persishtja, gjuha kineze, gjuha spanjolle, gjuha shqipe dhe gjuha kurde (sorani). Të gjitha versionet e gjuhëve të ndryshme janë identike, kështu që mund të kaloni nga një vend i versionit në një gjuhë, në të njëjtin vend të versionit në një gjuhë tjetër.

Infopankki.fi mbështetet te shërbimi në rrjet, në bashkëpunim dhe në qarkullimin e informacioneve midis autoriteteve zyrtare, sektorit të tretë, imigrantëve dhe bashkëpunëtorëve të tjerë. Dega e Helsinkit, e Infobankës, përgjigjet për informacionet e përgjithshme të shërbimit në rrjet dhe kjo degë përgjigjet edhe për informacionet mbi shërbimet në rubrikën e rajonit të Helsinkit. Në këtë degë punojnë gjashtë punonjës. Për informacione të tjera lokale përgjigjet zyra e secilit prej qyteteve.

Rinovimi i shërbimit në rrjet, Infobankës 2009-2011

Gjatë viteve 2009-2011 shërbimi në rrjet do të rinovohet në brendi, në strukturë dhe në teknikë. Në sajë të rinovimit, Infobanka u shërben edhe më mirë grupeve të ndryshme të imigrantëve. Rinovimet marrin parasysh, ndër të tjera, imigrantët që kanë ardhur në kërkim të punës, studentët dhe refugjatët, si dhe nevojat e tyre për informacion. Në mbështetje të rinovimit të shërbimit në rrjet, është themeluar një panel përdoruesisht prej 15 anëtarësh. Tema kryesore e rinovimit është barazia. Shërbimi i ri në internet do të hapet në vitin 2012.

Selma, që është qendra rajonale, shumëkulturore, e shërbimeve të informacionit dhe që ishte e përqendruar te punonjësit e shumëkulturës dhe migracionit, të rajonit të Helsinkit, u bë pjesë e Infobankës në vitin 2009. Infobanka kujdeset për mirëmbajtjen dhe zhvillimin e faqeve të punonjësve.

Shërbimi për informacione për kurse të finlandishtes, do të hapet në pranverë të vitit 2011, si pjesë e Infobankës, ku kurset do të jenë më të saktësuar se më parë, në gjuhët finlandisht, anglisht dhe rusisht. Deri në përfundim të rinovimit, kurset e gjuhës finlandeze gjenden në adresën: www.selma-net.fi. Njoftimet për kurse do të rinovohen në projektin e ESR-së, NEO-Selma.

Rinovimi i shërbimit në rrjet, të Infobankës shfrytëzon edhe brendinë e projektit (ECHA, 2007-2009) të Drejtorisë për Substanca Kimike, të qytetit të Helsinkit, që kishte në fokus imigrantët që janë shpërngulur për shkak të punës.

Organizimi i shërbimit dhe financimi

Zhvillimi dhe rinovimi i Infobankës është i mundur në sajë të marrëveshjes pesëvjeçare për bashkëpunim midis shtetit dhe komunave (2009-2013). Partnerët e shtetit në financim janë Ministria e Brendshme, Ministria e Punës dhe Sipërmarrjes, Ministria e Arsimit dhe Kela. Për më tepër, projekti aplikon për mbështetje financiare shtetërore nga Ministria e Financave, me qëllim financimin e zhvillimit të shërbimit. Nga ana administrative, Infobanka funksionon në vartësi të Qendrës Kulturore të Helsinkit.

Histori

Shëbimi në rrjet Infopankki.fi, lindi në projektin ”Qendra e hapur mësimore” (2001-2003), që ishte një bashkëpunim midis Caisa-s dhe bibliotekës së qytetit të Helsinkit. Në vitin 2005 u anëtarësua Turku dhe Tampere, në vitin 2006 Rovaniemi, Kuopio dhe rajoni i Kainut. Faqet e internetit të Espoo-s, Vantaa-s dhe Kauniainenit u hapën në vitin 2009, si pjesë e rubrikës së rajonit të Helsinkit. Savo e Jugut u anëtarësua në këtë shërbim në fund të vitit 2010.

Qendra shumëkulturore, e shërbimit të informacioneve “Selma” që shërben për punëtorët të cilët punojnë në fushën e imigracionit, e filloi aktivitetin e saj në vitin 2003, si projekt i programit, të rajonit të kryeqytetit.

Vlerësimet

2007

Vula e cilësisë nga komisioni Europian për shërbimet e mira publike, në internet (Good Practice label)

2008

Çmimi shtetëror për botimin e informacionit, Qendra Ndërkombëtare e Kulturës Caisa dhe Dega e Mështekës për Vitin për Infobankën, çmimi për bashkëpunim nga redaksia e Suomi.fi